Publicacion 21 november 2007 | Afdrukken |
Ministro di Asuntonan General

kier a notifica tur esnan cu tin pensa di importa, cumpra of bin cu aparatonan di telecomunicacion for di exterior, manera e.o. cordless phone, portofon, intercom etc. etc. cu e benta y importacion di aparatonan cu ta usa frecuencia den e bandanan di telefon celular ta prohibi na Aruba. Motibo di esaki ta cu e aparatonan aki ta causa interferencia riba e sistemanan di telefon celular.
E bandanan di frecuencia di telefon celular ta actualmente:
 824 - 845   MHz,
 869 - 915   MHz,
 935 - 960   MHz,
1710 - 1755 MHz,
1805 - 1850 MHz,
1880 - 1 910MHz,
1920 - 1950 MHz,
1960 - 1990 MHz,
2110 - 2140 MHz.

Tambe mester tene na cuenta cu instalacion, posesion y uso di cierto aparatonan di telecomunicacion ta mara, segun nos ley di telecomnunicacion, na un permiso. Esaki no ta conta pa algun aparato cu ta usa frecuencianan cu no ta cai den e bandanan menciona ariba, y ta transmiti cu potencia abou y cu no ta causa interferencia riba ningun sistema di telecomunicacion.
Pa mas informacion tocante aparatonan cu si ta perrniti na Aruba sea asina bon di tuma contacto cu Departamento pa Asuntonan di Telecomunicacion (DTZ), señor R. Wester, na telefon 582-6069.